29-мит хăтԓǝн кўвщәӈ ики хурпи тылащән хӑнты йасәӈа вөнәԓтәты, рөт йасӈэв йэԓԓы төты, хӑнты йасәӈ артаԓәты нє хăнты мир учёной ими Валентина Николаевна Соловар сєма питәс. Ԓўв айԓат оԓԓаԓ эвәԓт хӑнты йасӈәԓ вуԓаӈа, сӑмәӈа тӑйԓәԓэ. Кашәӈ йасәӈән, кашәӈ сыйән өмәщ щўӈкийэ, мосты утыйэ вөйәтәԓ. Хӑнты йасӈәԓ щит ԓўв вөԓәпсэԓ, нумсәԓ, йэԓԓы вөԓты вєрәԓ.
Йэшәк Валентина Николаевна! Сєма питǝм хăтԓэнǝн мўӈ нӑӈэна йăм йасӈǝт лупты ԓăӈхаԓǝв! Нăӈ шєӈк вөн, мосты рөпата вєрԓǝн. Йэԓԓы вөԓты мирэв пăта йăм нумәс нϵпәк хăнша! И тăмиты нăӈ вєрты рөпатайэн сăмǝӈа тăйэ па йэԓԓы тўвэ.
Уйǝӈа-пищəӈа, йăма, йисǝӈа-нөптǝӈа, щўньəӈа вɵԓа. Нумса пунǝм вєрԓан иса тўӈа ат мăнԓǝт! Хӑнты йасәӈ артаԓәты вєрэн кєна, төса ат мӑнәԓ. Мўвэнән-йиӈкэнән, рөт йасӈэнән йөрән ат мӑԓыйән! Най сєм похнәм нуви хӑтәԓ нӑӈэна па хўв ат хөтԓәԓ! Ньаврємԓан, хиԓыԓан, пиԓэн тӑԓаӈа-йӑма ат вөԓԓәт! Тӑԓаӈ йош, тӑԓаӈ кўр!